N: ChlausgruppeStMartin
Momoll, die Ziile sind do richtig
Und wienes Inserat ganz wichtig
Nur s Jobprofil isch speziell
Ich bruuche Hilf – am liebschte schnell!
S git kum meh Samichläus wie mich
Aber s bruucht üs äbe gliich
Drum wird’s Ghetz au immer schlimmer
Jede Obig 30 Wohnzimmer
Hät de Nachwuchs ächt kei Ziit?
Ich frog mich scho, a was es liit
Es isch doch de schönst Job uf de Wält!
Au ohni Ufstiegschance und Gäld
D Chind, die wartet jedes Johr
Uf langi Bärt und wissi Hoor
Uf Schmutzli, Chlaus und Eseli
Drum: S cha doch gopfridstutz nöd sii
Dass es wirklich niemmer git
Wo Luscht ufs Samichlause het
Wo als Schmutzli mit wött cho
Wo üs fahrt und plant und so
Fachchräftemangel heisst das hüt
Aber losed, liäbi Lüüt:
Ihr chönd eue Job trainiere
Und im Winter denn brilliere
Bisch fründlich, offe und chli nätt?
En Mensch wo gern Traditione hät?
En Bart muäsch imfall keine ha
Dä chläbed mir dir eifach aa
Es paar Täg im Advent sind gnueg
Und will’s kei Gäld git, säg ich: Lueg
Dä Job bringt dir es Chinderlache
Oder loss üs 10 druus mache.
Meld dich jetzt, mir sind scho gspannt
Uf diin magische Advänt
Wir suchen für die Adventszeit Samichläuse, Schmutzli und Helfer:innen, die im Hintergrund planen, fahren, schminken oder verpflegen. Für mindestens 2–3 Tage pro Saison (Anfang Dezember) bist du mit dem Chlausverein St. Martin im Samichlaus-Einsatz.
